Rezervo Scalp-Test

Vuani nga zbokthi, kruajtja apo irritimi i skalpit, yndyra e tepërt, rënia e flokëve apo hollimi I tyre? A keni provuar t’i trajtoni problemet tuaja dhe deri tani nuk keni patur asnjë rezultat? Nëse kërkoni një zgjidhje përfundimtare atëherë Analiza e Skalpit ju vjen në ndihmë duke i dhënë përgjigje gjithë pikëpyetjeve tuaja. Testi i skalpit është një analizë totale deri në thellësi e skalpit dhe e flokëve, e cila arrin të identifikojë shkakun e problemeve të deritanishme.

Ne përdorim një pajisje të avancuar mjekësore dhe një software të detajuar, të cilët në bashkëpunim me 4 lente të zmadhimeve të ndryshme deri në 700 herë, arrijnë të tejcojnë informacione të vlefshme mbi nivelin e yndyrës në skalp, gjendjen e zbokthit dhe lëkurës së vdekur, shëndetin e poreve dhe zonat problematike të skalpit tuaj që kanë nëvojë për kujdes të vecantë.

Gjithashtu, kryejmë ekzaminimin e rrënjës së flokut dhe gjatësisë së tij nën polarizimin e dritës, në zmadhim 150 herë, që na mundëson të vlerësojmë potencialin që kanë flokët tuaj për tu rritur, riskun që kanë për të rënë, gjendjen e strukturës proteinike të flokut dhe tendencën për zhvillimin e Alopecisë, një gjendje mjekësore që konsiston në rënie masive të flokëve dhe ndryshime të strukturës së tyre.

Nëpërmjet identifikimit të problemeve arrijmë të krijojmë për ju një plan trajtimi të individualizuar që do targetojë nevojat tuaja specifike, për të patur flokë të fortë e të shëndetshëm, e më të bukur se kurrë.